Jahongir Ortiqxo’jayev Yunusobod tumanidan 37 ta loyihani ko’rib chiqdi

Toshkent shahar hokimligida navbatdagi “Investorlar kuni” bo‘lib o‘tdi. Bu haqda Spot hokimlik matbuot xizmatiga tayanib xabar berdi.

Tadbirda Yunusobod tumanidan umumiy qiymati 2 trln. so‘mga yaqin bo‘lgan shundan 100 mln. dollardan ortiq to‘g‘ridan-to‘g‘ri xorijiy investitsiyalar ishtirokidagi 37 ta loyihalar taqdimoti o‘tkazildi.

Jahongir Ortiqxo‘jayevning ta’kidlashicha, aholi bandligini ta’minlash va shahar infratuzilmasini rivojlantirish asosiy vazifa hisoblanadi. Loyihalar amalga oshirilishi natijasida 2 300 ta yangi ish o‘rinlari yaratilishi ko‘zda tutilgan.

Loyihalar tuman hududida zamonaviy mehmonxonalar, ijtimoiy soha obyektlari, tibbiyot diagnostika markazlari, zamonaviy turar joy komplekslari barpo etish kabilarni tashkil etadi.