Qoraqalpog‘iston Respublikasida fuqarolik jamiyati faollari taqdirlandi, deb xabar berdi O‘zA.
Qoraqalpog‘istonda 600 dan ortiq nodavlat notijorat tashkilot faoliyat ko‘rsatmoqda.
O‘zbekiston Prezidentining joriy yil 14-noyabrdagi “Fuqarolik jamiyatini rivojlantirishga qo‘shgan hissasi uchun” ko‘krak nishonini ta’sis etish chora-tadbirlari to‘g‘risida”gi qarori bilan ta’sis etilgan ushbu nishonga Qoraqalpog‘istondan 6 nafar fuqaro sazovor bo‘ldi. Nukusda ana shu insonlarga ko‘krak nishonlarini topshirish marosimi bo‘lib o‘tdi.
Tadbirda nodavlat notijorat tashkilotlari, jamoatchilik vakillari va ommaviy axborot vositalari xodimlari ishtirok etdi. Mazkur ko‘krak nishoni jamiyat rivojiga munosib hissa qo‘shib kelayotgan fuqarolarga berilishi, bu kabi rag‘batlantirish sohada yaxshi natijalar berishi ta’kidlandi.
Tadbir doirasida O‘zbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qo‘llab-quvvatlash jamoat fondi tomonidan e’lon qilingan 5- va qo‘shimcha 6-davlat granti g‘oliblariga sertifikatlar topshirish marosimi bo‘lib o‘tdi.
Izoh (0)