Yanvar oyida yonib ketib, 52 o‘zbekistonlik halok bo‘lgan avtobus egasi, Qozog‘iston fuqarosi Toshkentdan vataniga ekstraditsiya qilindi, deb yozadi Sputnik Qozog‘iston Bosh prokuraturasiga tayanib.
“Jinoiy javobgarlikka jalb qilish uchun O‘zbekistondan Orduxan Mextiyev ekstraditsiya qilindi. U joriy yil yanvarida Aqto‘be viloyatida transport vositasining yonib ketishini va 52 kishining halokatini keltirib chiqargan texnik nosozliklari bo‘lgan avtobusdan noqonuniy foydalanishda gumon qilinmoqda”, — deyiladi xabarda.
Ayni paytda Mextiyev transport kompaniyasi ro‘yxatdan o‘tkazilgan Chimkent shahridagi tergov izolyatoriga joylashtirilgan.
Izoh (0)