Qozog‘istonning Favqulodda vaziyatlar departamenti xodimlari Akmolinsk viloyatidagi trassada yordam so‘rab murojaat qilgan 53 nafar avtobus yo‘lovchisini evakuatsiya qildi. Bu haqda “Kazinform”ga tayanib, UZ24 xabar qilmoqda.
“Ob-havoning yomonlashuvi sabab 24 dan 25-dekabrga o‘tar kechasi, Akmolinsk viloyati favqulodda vaziyatlar departamentiga ‘Petropavlovsk-Sariog‘och’ yo‘nalishi bo‘yicha harakatlanuvchi va Burabay tumani yaqinida bo‘lgan avtobus yo‘lovchilari isitish punktiga joylashtirish iltimosi bilan murojaat qildi. Avtomobil salonida 53 kishi bo‘lib, ularning aksariyati O‘zbekiston fuqarolari. Ular Kenesari qishlog‘i maktabiga joylashtirildi”, — deydi Akmolinsk viloyati FVD mutaxassisi Duman Daleshov.
Yo‘lovchilar orasida jabrlanganlar yo‘q, ularning barchasi yotoq va oziq-ovqat bilan ta’minlangan.
Izoh (0)