Janubi-G‘arbiy maxsus harbiy okrugi Nuriston gornizonidagi harbiy qismda “Vatan – muqaddas, uni himoya qilish sharafli burchdir!” shiori ostida “Mening dadam harbiy” mavzusida qism harbiy xizmatchilarning farzandlari o‘rtasida o‘tkazilgan rasm chizish tanlovi o‘tkazildi. Bu haqda Mudofaa vazirligi matbuot xizmati “Daryo”ga ma’lum qildi.
Tanlovda harbiy xizmatchilarning 54 nafar farzandlari o‘z ijod namunalarida Vatanni aks ettirishga harakat qildi.
Suningdek, tanlov davomida bolajonlar tomonidan yig‘ilganlar etiboriga ko‘rgazmali chiqishlar ham taqdim etildi. G‘olib ishtirokchilar tadbir tashabbuskorlarining esdalik sovg‘alari bilan taqdirlandi.
Eslatib o‘tamiz, O‘zbekiston Prezidentining 13-dekabrdagi farmoyishiga binoan joriy yilning 15-dekabridan 2019-yilning 15-yanvariga qadar “Vatanparvarlik oyligi” etib belgilangan. Shu munosabat bilan respublikaning barcha hududlarida Mudofaa vazirligi qo‘shinlari tomonidan turli tadbirlar uyushtirlmoqda.
Izoh (0)