Jizzax viloyatida yashovchi (sudlanuvchi va jabrlanuvchilarning ismi familiyasi o‘rgartirilgan) Ya.Yarashova 2018-yil fevral oyi boshlarida Ye.Sarimsoqovani Turkiya davlati Istanbul shahrida kutib olib, uni o‘zi istiqomat qilayotgan xonadonga olib boradi, deb xabar berdi Jizzax viloyati jinoyat ishlari bo‘yicha sudi axborot xizmati.
“Yo‘l harajatlarini qoplaganligi uchun unga moddiy jihatdan qaram va ojiz ahvoldagi Ye.Sarimsoqovani undan moddiy manfaatdor bo‘lish uchun turk millatiga mansub turli erkaklar bilan jinsiy aloqa qilishga majburlab, undan shahvoniy maqsadlarda foydalanib kelgan”, — deyiladi xabarda.
Bundan tashqari Ya.Yarashova o‘zining jinoiy harakatlarini davom ettirib, 2018-yilning iyul oyi boshlarida ikki yoki undan ortiq ojiz ahvoldagi shaxsni O‘zbekiston Respublikasi davlat chegarasidan olib o‘tgan holda ulardan shahvoniy maqsadlarda foydalanib moddiy manfaatdor bo‘lish maqsadida Ye.Savriyeva hamda Ye.Yaxshiyevaga Turkiya poytaxti Istanbul shahriga havo yo‘llari orqali uchishi uchun aviabilet olib berib, ularni 2018-yil 22-iyul kuni Islom Karimov nomidagi xalqaro Aeroportga olib kelgan vaqtida, O‘zbekiston Respublikasi DXX Jizzax viloyat boshqarmasi va viloyat IIB xodimlari tomonidan ushlangan.
Ya.Yarashovaga nisbatan O‘zbekiston Respublikasi JK 135-moddasi (odam savdosi) 2-qismi “b,v,g,d,z” bandlarida nazarda tutilgan jinoyat ishi qo‘zg‘atilgan.
Jinoyat ishlari bo‘yicha Jizzax shahar sudi tomonidan ushbu jinoyat ishi ko‘rilib, unda so‘ralgan sudlanuvchi, jabrlanuvchilar va guvoxlarning ko‘rsatuvlari, ish xujjatlarida mavjud bo‘lgan arizalar, tushuntirish xatlari, diskni olish bayonnomasi, voqea joyini ko‘zdan kechirish bayonnomasi, fotojadval, “Toshkent-Istanbul” yunalishida reysga olingan aviachiptalar, narsani daliliy ashyo deb topish to‘g‘risidagi qaror hamda so‘zlashuvlar yozib olingan qo‘yidagi stenogrammada ko‘rsatilgan holatlar o‘z isbotini topdi.
Jinoyat ishlari bo‘yicha Jizzax shahar sudining 2018-yil 13-dekabr kungi hukmiga asosan sudlanuvchi Ya.Yarashova O‘zbekiston Respublikasi JKning 135-moddasi 2-qismi “b,v,g,d,z” bandlarida nazarda tutilgan jinoyatni sodir etganlikda aybli deb topilib, tegishli jazo tayinlandi, shuningdek jabrlanuvchiga yetkazilgan zarar undirish belgilandi.
Izoh (0)