Normativ-huquqiy hujjatlar loyihalari muhokamasi portaliga har yillik Uzbekistan Tourism Industry Awards mukofotini tashkil etish va o‘tkazish to‘g‘risidagi hujjat loyihasi joylashtirildi, deb yozadi Spot.
Mukofot bilan har yili taqdirlash va 16 ta yo‘nalish bo‘yicha mukofotlarni topshirish rejalashtirilmoqda, bular:
- “Eng yaxshi mehmonxona” – 25 tadan ortiq xonaga, o‘z veb-sahifasiga ega bo‘lgan barcha mehmonxonalar (Mehmonxona yo‘nalishi bo‘yicha berilgan arizalar ularning yulduziga qarab bir nechta nominatsiyaga bo‘linishi mumkin);
- “Eng yaxshi mehmon uyi” – milliy uslubda rasmiylashtirilgan va zamonaviy jihozlangan barcha oilaviy mehmon uylari;
- “Eng yaxshi joylashtirish vositasi” – mehmonxona va mehmon uylaridan boshqa barcha joylashtirish vositalari;
- “Eng yaxshi umumiy ovqatlanish nuqtasi” – o‘zbek milliy taomlari va xorijiy taomlar tayyorlovchi restoran, kafe va boshqa umumiy ovqatlanish nuqtalari;
- “Eng yaxshi turoperator” – respublikaning barcha turoperatorlari;
- “Eng yaxshi gid” – belgilangan shakldagi sertifikatga ega, 3 yil gid sifatida faoliyat yuritgan xorijiy tillarni mukammal biladigan gidlar;
- “Eng yaxshi transport tashkiloti” – sayyohlarga xizmat ko‘rsatib kelayotgan transport tashkilotlari;
- “Eng namunali yo‘l bo‘yi infratuzilmasi ob’ekti va sanitariya-gigiyena shoxobchasi” – namunaviy loyiha asosida tashkil etilgan sanitariya-gigiyena shoxobchasi uchun mahalliy davlat hokimiyati organlari (tuman va shahar);
- “Eng yaxshi bloger” – yil davomida turizm sohasiga oid kamida 6 ta material (post) chop qilgan blogerlar;
- “Eng yaxshi ichki turizm targ‘ibotchisi” – yil davomida ichki turizm doirasida targ‘ibot olib borgan mahalliy davlat hokimiyati organlari (Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari);
- “Turizm mavzusidagi eng yaxshi maqola muallifi” – yil davomida bosma va elektron OAVlarida turizmga oid kamida 6 ta maqola chop ettirgan jurnalistlar;
- “Eng na’munali turizm politsiyasi xodimi” – Ichki ishlar vazirligining sayyohlik politsiyasi xodimlari;
- “Eng jozibador turizm to‘g‘risida video lavha” – milliy turizm salohiyatini yorituvchi video lavha hamda uning muallifi yoki mualliflik jamoasi;
- “Eng yaxshi turizm bo‘yicha fotosurat” – turizm ob’ektlari va joylari aks etgan fotosuratlar jamlanmasi va ularni tayyorlagan foto operatorlar;
- “Eng yaxshi ichki turizm turoperatori” – ichki turizm yo‘nalishida faoliyat yurituvchi barcha turoperatorlar;
- “Turizm sohasi fidoyisi” – o‘z hududida e’tibordan chetda qolgan turizm ob’ektlarini targ‘ib qilgan, yangi turizm marshrutlarini ishlab chiqilishida tashabbuskor barcha fuqarolar.
Tadbir har yili dekabr oyida uch bosqichda tashkil etiladi va o‘tkaziladi.
- Qoraqalpog‘iston Respublikasi, viloyatlar va Toshkent shahar bosqichi;
- Respublika bosqichi;
- yakuniy onlayn tanlov bosqichi.
Izoh (0)