Navoiy viloyati Favqulodda vaziyatlar boshqarmasi tomonidan shahardagi Yoshlar markazi binosi yonidagi maydonda “Favqulodda vaziyatlarni oldini olish chodirli shaharchasi” tashkil etildi.
Ushbu chodirli shaрarchaga 4 ta palatka o‘rnatilib, palatkalar “Tabiiy va is gazidan zaharlanishning oldini olish”, “Konservalangan mahsulotlarni iste’mol qilishda ogoh bo‘l”, “Quturish kasalligidan saqlaning”, “Zilzilada to‘g‘ri harakat qilishni o‘rganmiz ” mavzularida ko‘rgazmalar bilan jihozlandi va har bir palatkada profilaktik tushuntirish ishlari olib borildi.
Shaharchada yong‘inga qarshi kurash jamiyati, gaz xizmati xizmati hamda davlat sanitariya nazorati markazi tomonidan fuqarolardan olib quyilgan iste’molga yaroqsiz bo‘lgan konserva mahsulotlari va nostandart, nosoz, qo‘lbola yasalgan isitish vositalari ko‘rgazmasi tashkil etildi.
Shuningdek “Favqulodda vaziyatlarni oldini olish chodirli shaharchasi”da Favqulodda vaziyatlar boshqarmasi, yong‘in xavfsizligi xizmati, sog‘liqni saqlash, ichki ishlar, gaz xizmati, elektr ta’minoti xizmatlarining maxsus texnikalari ko‘rigi o‘tkazildi.
Tadbirda 1500 dan ortiq ishtirokchilar qatnashdi.
Izoh (0)