O‘zbekistonda mahalliy qahramonlar aks ettirilgan komikslarni chiqaruvchi kompaniya ish boshladi

O‘zbekistondagi ilk mahalliy komikslarni chiqarish uchun mablag‘ yig‘ila boshladi. Bu haqda Spot loyiha rahbari Shohrux Nizamutdinovga tayanib xabar berdi.

Uning so‘zlariga ko‘ra, bularning barchasi nega O‘zbekistonning o‘ziga xos komikslari mavjud emasligi haqidagi savol bilan boshlandi.

“Toshkentda mahalliy komikslarni yaratishga urinishlar bo‘lganligi ko‘pchilikka ma’lum emas. O‘tgan asrning 90-yillarida ‘Metamorfozning telbaliklari’ va ‘Kosmik detektiv’ kabi nashrlar chop etila boshladi. Ammo, afsuski, barchasi bir necha bosmalar bilan chegaralandi”, — deydi Nizamutdinov.

U bolalar va jiyanlari bilan suhbatlashganidan so‘ng, ular o‘zlarini ko‘rishlari mumkin bo‘lgan mahalliy komikslarni kutishayotganligi ma’lum bo‘ldi.

Birinchi bosmalar tayyor. Qahramonlar yaqin kelajakda yashaydigan ikki aka-uka Mardon va Shahzod bo‘ldi.

Hozir jamoa 5000 nusxadagi tirajni nashr etish va ssenariy muallifi va rassomlarning ishlariga to‘lash uchun mablag‘ yig‘moqchi. Buning uchun 90 mln. so‘m talab qilinadi.

Loyihani qo‘llab-quvvatlash uchun promo-tovarlardan birini (ko‘ylak, beysbol kepkasi, qalam va hk) sotib olishingiz mumkin. Mablag‘ yig‘ish bir oy davom etadi. Chop etilgan paytda 138 ming so‘m yig‘ildi.