Buxoro viloyat davlat soliq xizmati xodimlari maxsus sumkalar bilan ta’minlanadi

Buxoro viloyat davlat soliq boshqarmasi rahbariyati tashabbusi bilan viloyatda faoliyat yuritayotgan davlat soliq xizmati xodimlari endilikda o‘zgacha dizaynga ega bo‘lgan sumkalar bilan ta’minlanadi. Hozirda soliq sohasida huquqbuzarliklar proflaktikasi bo‘limi xodimlariga mana bunday sumkalar bilan ta’minlanishi ko‘zda tutilgan. Bu haqda viloyat davlat soliq boshqarmasi “Daryo”ga ma’lum qildi.

Sumka o‘zgacha dizayn bilan bezatilgan. Unda davlat soliq xizmati organining logotipi, O‘zbekiston Respublikasi davlat bayrog‘i, ushbu bayroqning o‘zida O‘zbekiston Respublikasining hududiy xaritasi mujassamlangan.

Eng asosiysi bugungi kunda soliq xizmati tadbirkorlarning ishonchli hamkoriga aylanayotgani sir emas albatta. Shu ma’noda sumkada “Soliq xizmati-insofli soliq to‘lovchilarning ishonchli hamkori” degan shior ham tushirilgan. Bu orqali davlat soliq xizmati xodimlari tadbirkorlar bilan ishlashda ularga ko‘makchi bo‘lishlikni har doim eslatib turadi. Endilikda barcha davlat soliq xizmati xodimlari birma-bir ushbu sumkalar bilan ta’minlanishi nazarda tutilgan.

Viloyatda barcha davlat soliq xizmati xodimlari maxsus kiyim-boshlar bilan ham ta’minlanmoqda.