Lola Karimova-Tillayeva Kaliforniyadagi yong‘inlar oqibatida jabrlangan itlarga yordam beruvchi tashkilotni qo‘llab-quvvatlaydi. U bu haqda Instagram’dagi sahifasida ma’lum qildi.
“Biz Kaliforniyadagi o‘rmon yong‘inlari oqibatida jabrlangan to‘rt oyoqlilarga yordam ko‘rsatish tariqasida itlarni qutqaruvchi wagsandwalks tashkilotini qo‘llab-quvvatlashdan mamnunmiz”, — deb yozadi u.
Ma’lumot uchun, Kaliforniyada shtat tarixidagi eng yirik o‘rmon yong‘ini 8-noyabr kuni boshlangan edi. U 26-noyabr kuni batamom o‘chirildi.
So‘nggi ma’lumotlarga ko‘ra, yong‘inlar oqibatida 85 kishi halok bo‘lgan, 14 mingga yaqin uylar, 508 ta tijorat binolari va 4 mingdan ortiq boshqa inshootlar vayron bo‘lgan. Yong‘inni o‘chirish uchun mingdan ortiq o‘t o‘chiruvchilar va 73 ta o‘t o‘chirish mashinalari jalb qilindi. Yonish maydoni 62 ming gektardan ziyodroqni tashkil etdi.