30 yoshli VAZ 2106 haydovchisi Toshkent halqa avtomobil yo‘lida ketayotib, yo‘lni kesib o‘tgan yo‘lovchini urib yubordi. Bu haqda “UzNews” xabar berdi.

Foto: Pixabay

6-dekabr kuni soat chamasi 20:55 da Toshkent halqa avtomobil yo‘lida YTH sodir bo‘lgan. Ishonchnoma asosida “VAZ 2106” avtomobilini boshqarayotgan haydovchi A.F. mehnat birjasi binosi yonida mumkin bo‘lmagan joyda yo‘lni kesib o‘tayotgan piyodani urib yubordi.

Hodisa oqibatida 1964-yilda tug‘ilgan, vaqtincha Toshkentda yashayotgan Qozog‘iston fuqarosi A.D. og‘ir tan jarohatlari bilan kasalxonaga olib ketilayotganda vafot etgan. Holat bo‘yicha jinoyat ishi ochilgan, tergov harakatlari olib borilmoqda.