7-dekabr kuni Moskvaning Basmanniy tuman sudi biznesmen Alisher Usmonov tomonidan berilgan da’vo bo‘yicha qaror chiqardi, deb yozadi “TASS”.

Foto: “Vesti.ru”

“Usmonovning da’vosi to‘la hajmda qondirilishi lozim, Javobgar maqolalarni o‘chirishi, raddiya e’lon qilishi va da’vogarga ma’naviy zararni qoplash uchun 50 ming rubl to‘lashi kerak”, — deyiladi sud qarorida.

Eslatib o‘tamiz, rossiyalik milliarder Alisher Usmonov sudga murojaat qilib, biznesmenning kriminal avtoritet Shakro Molodoy (pasport bo‘yicha Zaxariy Kalashov) va boshqa jinoiy guruhlar ishiga aloqadorligi tilga olingan uchta maqolani internetdan o‘chirib tashlashni talab qilgan edi.