O‘zbekiston Prezidenti Shavkat Mirziyoyev 2018-yilda rossiyaliklarning MDH mamlakatlari yetakchilariga ishonch reytingida uch pog‘onaga yuqoriladi. Jamoatchilik fikrini o‘rganish butunrossiya markazi rossiyaliklar MDHga kiruvchi davlatlar yetakchilaridan qaysi biriga ko‘proq ishonch bildirishini aniqladi, deb yozadi Sputnik.
Reytingda birinchi o‘rinni Belarus prezidenti Aleksandr Lukashenko egalladi. Unga so‘rovnomada qatnashgan rossiyaliklarning 65 foizi ishonch bildirgan.
Qozog‘iston yetakchisi Nursulton Nazarboyev ikkinchi o‘rinni (49 foiz), Ozarbayjon yetakchisi Ilhom Aliyev uchinchi o‘rinni (14 foiz) egalladi.
O‘zbekiston Prezidenti Shavkat Mirziyoyevga so‘rovnomada ishtirok etganlarning 6 foizi ishonch bildirdi. Mazkur natija Lukashenko, Nazarboyev, Aliyev, Armaniston yetakchisi Armen Sarkisyan (8 foiz), Moldova yetakchisi Igor Dodondan (7 foiz) keyin oltinchi o‘ringa to‘g‘ri keladi. Ta’kidlash joizki, bir yil avval Shavkat Mirziyoyev uch foiz rossiyaliklar tomonidan qo‘llab-quvvatlanib, reytingning 9-o‘rnidan joy olgan edi.
Izoh (0)