Internetda yangi Kia Soul mashinasining tashqi ko‘rinishi aks etgan suratlar paydo bo‘ldi. Suratlar Kia tomonidan bir necha kundan so‘ng Los-Anjeles avtosalonida bo‘lib o‘tadigan rasmiy taqdimotdan oldin paydo bo‘ldi, deb yozmoqda “Korrespondent.net”.
Avtomobil Meksika yo‘llarida qayd etilgan. Kadrlarda yangi avtomobil optika bo‘yicha a’lo darajadagi xususiyatlarga ega ekanligi aks etgan. Old yoritgichlari “ikki qavatdan” iborat. Pastda tumanga qarshi yoritgichlar va qayrilish chiroqlari, yuqorida esa avtomobil harakati vaqtida yonadigan chiroqlar hamda yaqinni va uzoqni yorituvchi chiroqlar joylashgan.
Los-Anjelesdagi avtosalonda Kia Soul X-Line’ning “yo‘ltanlamas” talqini va GT Line sport talqini taqdim etiladi.
Izoh (0)