Xitoylik olim Xe Szyankuy insoniyat tarixidagi ilk inson embrioni DNKsini o‘zgartirish jarayonida ishtirok etganini ma’lum qildi, deb yozadi “RIA Novosti”.
Qayd etilishicha, olim reproduktiv davolash muolajalari paytida yettita juftlik embrionini o‘zgartirgan. Biroq hozirga qadar faqat bitta homiladorlik natija bergan: Noyabr oyida DNKsi o‘zgargan ikkita qizaloq — egizaklar dunyoga keldi.
Olimning so‘zlariga ko‘ra, uning maqsadi nasldan naslga o‘tadigan kasalliklarni davolash yoki ularning oldini olish bo‘lmagan, u insonlarda yo‘q xususiyat ya’ni OITS virusiga qarshi kurashishni embrionga singdirishga uringan.
“Jamiyat kelgusida nima qilishni o‘zi hal qiladi”, — deydi Xe Szyankuy.
Mazkur tajribada qatnashgan otalarning barchasi OITSga chalingan, onalar esa sog‘lom bo‘lgan. Uning qo‘shimcha qilishicha, OIVni samarali davolashda kasallik organizmda saqlanib qoladi, biroq bolaga yuqmaydi. Biroq tajriba bolani kelgusida ushbu kasallikni yuqtirishdan himoyalashga qaratilgan.
Ushbu tajriba boshqa olimlar tomonidan sinovdan o‘tkazilishi uchun ilmiy nashrlarda chop etilmagan.
Izoh (0)