2018-yilning oktabr oyi davomida viloyat bo‘yicha odam savdosi bilan bog‘liq bo‘lgan jami 6 ta jinoyatlar qayd qilingan. O‘tgan 2017-yilning shu davrida ushbu ko‘rsatkich 25 tani tashkil etgan. Bu haqda “Daryo” muxbiri Farhod Norbo‘tayev xabar bermoqda.
Samarqand viloyat IIB terrorizmga qarshi kurashish boshqarmasi Odam savdosi va noqonuniy migratsiyaga qarshi kurashish bo‘limi bergan ma’luotga ko‘ra odamlar savdosi trafigi asosan Samarqand – Toshkent – Tailand qirolligi, Samarqand – Toshkent – Birlashgan Arab Amirliklari hamda Samarqand – Toshkent – Turkiya davlatlari yo‘nalishlarida sodir etilgan.
Joriy yilning oktabr oyi davomida viloyat IIB tomonidan Jinoyat Kodeksining 135-moddasi bilan ayblanayotgan 91 nafar shaxslarga nisbatan kidiruv e’lon qilingan. Ulardan 16 nafari ushlangan va hozirgi kunda jami 75 nafar shaxslar qidirilmoqda.
“O‘zbekiston Respublikasi IIV Interpol milliy markaziy byurosiga Samarqand viloyati bo‘yicha olingan tezkor ma’lumotlar asosida 91 nafar qidiruvda bo‘lgan shaxslardan 52 nafarining ro‘yxati berilgani. 2018-yilning o‘n oyi davomida viloyat hududida yashovchi 291 nafar fuqarolarimiz chet davlatlardan turli xil sabablarga ko‘ra deportatsiya qilingan. Bugun ular bilan yakka tartibda suhbatlar o‘tkazilib, asosiy e’tibor ularning odam savdosi qurboni bo‘lgan yoki bo‘lmaganligi aniqlanmoqda”, — deydi viloyat IIB matbuot xizmati rahbari Shirin Normatova.
Shuningdek, ularning qaysi yo‘llar bilan chet davlatlarga, kimlar bilan birga chiqib ketganliklarini aniqlash va deportatsiya qilinishi sabablari mukammal o‘rganishga alohida e’tibor qaratilmoqda.
Izoh (0)