Namangan viloyatining Chortoq tumanidagi “Beshkapa” mahallasida foydalanishga topshirilgan “Yoshlar mehnat guzari”da 45 kishi ish boshlaydi. Bu haqda “Turon 24” xabar bermoqda.
“Chortoq ravon servis” MChJ rahbari Tohirjon Boydedayevning aytishicha, guzar qurilishiga 2 mlrd 350 mln so‘m sarflangan. Shundan 700 mln so‘mi bankdan kredit sifatida olingan bo‘lsa, qolgani korxona hisobidan qoplangan. Guzar olti oyda qurib bitkazildi.
Guzarning birinchi qavatidan avtomobillarga xizmat ko‘rsatish shoxobchalari, sartaroshxona, go‘zallik saloni va kutubxona-qahvaxona o‘rin oldi. Tikuvchilik korxonasi va o‘quv markazi joy oladigan ikkinchi qavat ham to‘la ishga tushgach, yana 84 kishi ish bilan ta’minlanadi.
Izoh (0)