Turkiya prokuraturasi Anqarada Rossiya elchisi Andrey Karlovning o‘ldirilishi bo‘yicha ishni ko‘rib chiqish uchun sudga taqdim etdi. Ayblovlar 28 nafar gumondor, jumladan, muxolifatchi Fathulla Gulenga nisbatan e’lon qilingan. Bu haqda Anadolu agentligi ma’lum qildi, deb yozadi “RIA Novosti”.
Prokuror Adem Akinji tomonidan tayyorlangan ayblov xulosasida diplomatga suiqasd Gulenning tashkiloti (FETO) tomonidan uyushtirilganligi ma’lum qilinadi. Anqara uni 2016-yil iyulidagi davlat to‘ntarishiga urinishda ayblagan.
Hujjatda Karlovning o‘ldirilishi Turkiya—Rossiya munosabatlarini yomonlashtirishga yo‘naltirilgan provokatsiya ekanligi ta’kidlanadi.
Gyulendan tashqari, ayblov xulosasida Sharif Ali Tekelan, Emrullah Uslu, Shahin Sogyut, Xayriddin Aydinbash, Mustafa Timur Ozkan va boshqalarning ismlari ham bor. Ular konstitutsion tuzumni buzish, terrorchilik tashkilotiga aloqadorlik va terror maqsadida qotillikni rejalashtirishda ayblanmoqda.
Rossiyalik diplomat 2016-yilning 19-dekabrida fotoko‘rgazmaning ochilishida otib o‘ldirilgan.
Izoh (0)