Prezident Shavkat Mirziyoyev 15—16-noyabr kunlari Qoraqalpog‘istonga safari davomida Nukus shahrini ko‘zdan kechirib yurib, yosh kelin-kuyovning to‘yiga ham tashrif buyurgan edi. Davlat rahbari yosh kelin-kuyovga baxt tilab, oilasi mustahkam bo‘lishini tiladi. 17-noyabr kuni kelin-kuyovga Nukus shahrining eng shinam maskanlaridan biri — “Qumbiz ovul” OFY hududida qad rostlagan ko‘p qavatli uylarning biridan Prezident sovg‘asi – turar joy sovg‘a qilindi. Bu haqda “Everyday.uz” xabar bermoqda.
Shu kuni kelin-kuyov kechki payt o‘tadigan yoshlar to‘yi oldidan Nukus shahrining chiroyli joylarini aylanib yurgan. Ular sayl davomida tamaddi qilish uchun kichik bir qahvaxonaga kirgan. Bir payt ular o‘tirgan yerga Prezident kirib keldi va ularni baxt to‘yi bilan qutladi. Prezident yosh oilaning to‘yiga sovg‘a sifatida uy bergan.
Sultan va Hurliman ikkalasi ham talabalar. Ular Qoraqalpoq davlat universitetining Texnologiya fakultetida 4-kursda bitta guruhda tahsil oladi. Sultanning ota-onasining uyi Qorao‘zak tumanining “Madaniyat” ovul fuqarolar yig‘inida, kelin Hurlimanning uyi esa Nukus shahrida. Endi ular shaharning zamonaviy qismida birgalikda istiqomat qiladi.
Shuningdek, shu kuni davlat rahbari tashrif buyurgan 8-sonli poliklinikaga Prezident sovg‘alari — Spark avtomashinasi, davlat-xususiy sherikchilik asosida faoliyatini boshlagan “Naushe” maktabgacha ta’lim muassasasiga bolalar o‘yinchoqlari tantanali ravishda topshirildi hamda Prezident bilan uchrashuvdan so‘ng oddiy askar Konservatoriyada imtiyozli o‘qiydigan bo‘ldi.
Izoh (0)