Dunyoda eng keng tarqalgan o‘lchov birligi — kilogrammga o‘zgartirish kiritildi. Bu haqda TJournal xabar bermoqda.
Aytilishicha, Parijda bo‘lib o‘tayotgan o‘lchovlar va vaznlar bo‘yicha 26-konferensiya ishtirokchilari tarixiy qarorga kelib, Xalqaro birliklar tizimining (SI) yetti asosiy o‘lchov birligidan to‘rttasiga o‘zgartirish kiritdi. Bular — kilogramm, amper, kelvin va molga ham tegishli o‘zgartirishlar kiritildi.
Endilikda kilogrammni belgilash prinsiplari Sevrdagi Xalqaro o‘lchovlar va vaznlar palatasida saqlanuvchi etalonning massasiga emas, Plank doimiysiga bog‘liq bo‘ladi. Versalda o‘tayotgan konferensiyaga 57 davlatdan tashrif buyurgan olimlar ushbu qarorni ko‘pchilik ovoz bilan ma’qulladi.
SI uchun kiritilayotgan ushbu o‘zgarishlar 2019 yil mart oyidan kuchga kiradi.