iPhone X foydalanuvchisi operatsion tizimning iOS 12.1. talqiniga yangilanganidan keyin smartfon yonib ketgani haqida xabar berdi. U zararlangan qurilmani suratga va videoga oldi hamda internetga joyladi, deb yozmoqda “Korrespondent.net”.
Erkakning ta’kidlashicha, hodisa smartfonning 10 oylik normal ishidan keyin yuz bergan. Uning so‘zlariga ko‘ra, qurilma quvvatlanayotgan vaqtda amalga oshirilgan operatsion tizimning yangilanishidan keyin qurilmadan darhol tutun chiqa boshlagan. Shundan keyin smartfon butunlay yonib ketgan.
Smartfonning egasi qayd etishicha, u haqiqiy quvvatlash qurilmasi va kabelidan foydalangan, portlash esa u qurilmani quvvatdan uzgach, darhol yuz bergan.
Apple hodisaga munosabat bildirgan va kompaniya mutaxassislar uning sabablarini aniqlash ustida ishlamoqda.
Izoh (0)