Ikkinchi avlod Chevrolet Captiva krossoveri namoyish qilindi, deb yozadi “Carsguru.net”.
Yangi Chevrolet Captiva krossoveri General Motors konserni bilan hamkorlikda ishlab chiqilgan Xitoyning Baojun 530 avtomobili bazasida yaratilgan. Ikkinchi avlod Kolumbiya Captiva’si donordan deyarli farq qilmaydi. Faqat shild va radiator panjaralari o‘zgartirilgan.
Chevrolet Captiva’ga 1,5 litr hajmli turbo dvigatel o‘rnatilgan bo‘lib, uning quvvati 147 ot kuchiga teng. Benzinli motor mexanika va 6 pog‘onali “robot” bilan uyg‘unlikda ishlaydi.
Kolumbiya avtomobil bozorida yangi mashina kelasi yildayoq paydo bo‘ladi. Ikkinchi avlod Chevrolet Captiva boshqa bozorlarga chiqarilishi borasida GM hozircha ma’lumot bergani yo‘q.
Izoh (0)