Kaliforniyalik oila avtomobilda shtatdagi o‘rmon yong‘inlarini yorib o‘tishga urindi. Ularning yonayotgan o‘rmondan o‘tgan “sayohati” videosi Facebook’ka joylandi, deb yozadi Forum Daily.
Ikki kun ichida rolik 3 million martdan ortiq ko‘rildi.
“Men bu videoni e’lon qilish orqali o‘zimni juda zaif sezyapman, ammo shunday qilishim kerak. Mening ona shahrim Paradayz yonmoqda. Oilam evakuatsiya qilingan va xavfsizlikda. Biroq hamma do‘stlarim ham xavfsizlikda emas. Noma’lumlik kishini qo‘rqitadi”, — deb yozdi Brinn Parrott Chatfild.
Syomka chog‘ida avtomobilda er-xotin bolalari bilan birga bo‘lgan, yo‘lning ikkala tomonida ham lovullab yonayotgan o‘rmon ko‘rinmoqda, buni tasvirga olayotgan ayol esa tinmay duo o‘qimoqda.
Kaliforniya shimolidagi Camp o‘rmon yong‘inlari 8-noyabr, payshanba kuni boshlangan edi, hozirgacha ushbu tabiiy ofat oqibatida to‘qqiz kishi halok bo‘lgan. Olov 36 ming gektardan ziyod maydonni qamrab olgan bo‘lib, 7 mingdan ortiq inshootlarni vayron qildi va bu bilan shtat tarixidagi eng vayronkor yong‘inga aylandi.
https://www.facebook.com/brynn.chatfield/videos/10155579892351736/?t=0
Izoh (0)