Afg‘oniston g‘arbidagi Farah viloyatida “Tolibon” terrorchilik tashkiloti jangarilari hujumi oqibatida kamida 37 kishi halok bo‘ldi, deb yozadi “Korrespondent.net”.
Qurbonlar orasida 29 nafar politsiya xodimlari va 8 nafar tinch aholi vakillari bor.
Tuman politsiyasi rahbari Abdulla Jabborning so‘zlariga ko‘ra, hujum sodir etilgan hudud jangarilar nazorati ostiga o‘tgan. Mahalliy fuqarolarning uylari yoqib yuborilgan.