8-noyabr kuni Toshkent shahar hokimligi va Irlandiyaning Best Western va Yuco Alliance kompaniyalari vakillari o‘rtasida uchrashuv o‘tkazildi. Uchrashuvda Toshkentda uch yulduzli mehmonxona qurish loyihasi muhokama qilindi. Bu haqda Toshkent shahar hokimligi rasmiy saytiga tayanib, Turon24 xabar bermoqda.
Xabarda ta’kidlanishicha, mehmonxonaning 120 ta xonasi Best Western standartlariga mos ravishda qurilishi rejalashtirilgan.
Loyiha uchun kiritiladigan investitsiyaning umumiy miqdori 5—6 million AQSh dollarini tashkil etadi, moliyalashtirish Yuco Alliance mablag‘lari hisobidan amalga oshiriladi.
Shu bilan birga, Best Western qurilish va ishlov berish standartlari bo‘yicha franshiza taqdim etadi.
Izoh (0)