Vatikanning Rimdagi nunsiaturasi (elchixonasi)dan yana odam suyaklari topildi — bular bosh chanog‘i va jag‘ suyagi. Politsiya taxminiga ko‘ra, ular bitta odamga tegishli, deb yozadi Meduza.
Topilgan qoldiqlar o‘zi tegishli bo‘lgan odamning DNKsini aniqlashga yordam berishi taxmin etilmoqda. Genetik tahlilga kamida bir hafta ketadi.
29-oktabr kuni ham nunsiaturada ta’mirlash ishlari chog‘ida odam suyaklarining bo‘laklari topilgan edi. Ammo ular juda kam bo‘lganligi sababli, DNK ekspertizasi o‘tkazish imkoniyatini bermagan edi.
Italiya matbuoti taxminlariga ko‘ra, suyaklar 1983-yilda yo‘qolib qolgan ikki nafar 15 yoshli qizlarga tegishli bo‘lishi mumkin.
Izoh (0)