Nyu-Yorkda 5-noyabr, dushanba kuni “Pakana” laqabi bilan mashhur bo‘lgan narkobaron Xoakin Gusmanga nisbatan sud jarayoni boshlandi, deb yozadi “Korrespondent.net”. Uni ikki yilcha avval Meksikadan AQShga ekstraditsiya qilishgan edi.
Sudya Brayan Koganning hisob-kitoblariga ko‘ra, narkotiklar bilan savdo qilishda, pul yuvishda, o‘g‘irlab ketish va qotilliklarda ayblanayotgan Gusman ustidan sud ishi bir necha oyga cho‘zilishi mumkin.
So‘nggi ikki yil davomida “Pakana” Nyu-York federal qamoqxonasidagi bir kishilik kamerada saqlangan.
Agar sud meksikalik narkobaronni aybdor deb topsa, u umrbod qamoq jazosiga mahkum etilishi mumkin. Gusmanning o‘zi aybini inkor etmoqda.
U ikki marta Meksikada maksimal qattiq rejimli qamoqxonadan qochib ketgan.
Izoh (0)