“Tolibon” radikal harakati jangarilari Afg‘onistonning Uruzgan viloyatid Tarinkot shahridagi harbiy bazani egalladi. Bu haqda “Kommersant.ru” xabar bermoqda.
Ushbu bazada Afg‘oniston milliy armiyasining 25 nafar harbiylaridan iborat bo‘linma faoliyat yuritar edi. Hujum oqibatida ulardan necha nafari halok bo‘lgani yoki jarohatlangani noma’lum.
Mahalliy hukumat vakillari bazaga hujum qilinganini tasdiqladi. Biroq hujum haqidagi batafsil ma’lumotlarni taqdim etmadi.
Afg‘oniston mudofaa vazirligi vakili bir necha harbiyning o‘ldirilgani yoki ularning bedarak yo‘qolganini ma’lum qildi.
“Tolibon” jangarilari 10 nafar harbiyni o‘ldirgani va yana 13 kishini asirga olganini ta’kidlagan.
Izoh (0)