Misrda jamoat joylarida ko‘z uchun joy qoldirilib, yuzni to‘liq holda yopadigan bosh kiyimi — niqobni kiyishni taqiqlash haqidagi yangi qonun loyihasi ishlab chiqilmoqda. Bu haqda “Korrespondent.net” xabar berdi.
Ushbu qonunni buzganlar uchun 1000 Misr funti (56 dollar) miqdorida jarima belgilash taklif etilmoqda. Ikkinchi marta qonunbuzarlik sodir etganlar uchun summa ikki baravrga oshiriladi.
Taklif tashabbuskorlarining fikricha, bunday qonun loyihasi qabul qilish uchun “xavfsizlik sohasida yuz bergan muammolar” sabab bo‘lgan.
Shuningdek, bosh kiyimni jamoat joylarida kiyishga taqiq qo‘yish uchun Jazoir tajribasi misol tariqasida ko‘rsatilmoqda. Jazoirda ushbu qonun yopiq bosh kiyimi fuqaroning shaxsini aniqlashda muammolar yuzaga keltirayotgani uchun qabul qilingan edi.
Izoh (0)