Farg‘ona viloyatining O‘zbekiston tumanida yashovchi N. S. qulog‘ida quloqchin bilan temir yo‘lni kesib o‘tayotganida poyezd urib yubordi. Bu haqda “Daryo” muxbiri Azizjon Ermatov xabar bermoqda.

Foto: “Daryo”

Farg‘ona viloyati IIB transportda jamoat xavfsizligini ta’minlash bo‘limi navbatchilik qismidan ma’lum qilinishicha, “Qir—Qo‘qon” bekatlari oralig‘ining 192-kilometrida “Andijon—Marg‘ilon—Qo‘qon” yo‘nalishi bo‘yicha harakatlanib kelayotgan elektrpoyezd qulog‘ida quloqchini (naushnik) bo‘lgan holda velosipedda temir yo‘lni kesib o‘tayotgan fuqaro N. S.ni urib yuborgan.

U olgan tan jarohatlari oqibatida hodisa joyida halok bo‘ldi.

Mazkur holat yuzasidan tergovga qadar tekshiruv harakatlari olib borilmoqda.