Bosh prokuratura huzuridagi Departament tomonidan o‘tkazilgan tezkor tadbirda Zangiota tumani tibbiyot birlashmasi akusher-ginekologi S.M. fuqaro G.X.ning homilasini tushirib berish evaziga 1,4 million so‘m olganda ushlandi. Bu haqda Bosh prokuratura matbuot xizmati ma’lum qildi.
Tadbirda fuqaro G.X.ning 16 haftalik homilasi borligi aniqlanib, homiladorlik muddati 12 haftadan ortiq bo‘lgan shaxsning homilasini sun’iy tushirish mumkin emasligi haqida mutaxassis xulosasi olindi.
Mazkur holat yuzasidan S.M.ga nisbatan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari olib borilmoqda.
Izoh (0)