Bugun, 3-noyabr kuni Rossiyaning Moskva shahrida Xalqaro havaskorlar boks assotsiatsiyasi — AIBA prezidentligi uchun saylov bo‘lib o‘tdi.
Tashkilot rahbarligi uchun 2 nomzod ko‘rsatilgandi. Biri o‘zbekistonlik G‘ofur Rahimov nomzodi bo‘lsa, ikkinchi qozog‘istonlik Serik Qo‘noqboyev. 137 mamlakat delegatsiyalari bergan ovozlarga ko‘ra, G‘ofur Rahimov tashkilot prezidenti bo‘ldi. U 86 ta ovoz oldi. Serik Qo‘noqboyev esa 48 ta ovoz oldi. 3 ta delegatsiya ovozi byullutenlar to‘ldirilmaganligi uchun bekor qilingan.
Ma’lumot uchun, G‘ofur Rahimov 1951-yilda 22-iyul kuni Toshkentda tug‘ilgan. U Leningrad muhandislik-iqtisodiyot institutini 1975-yilda tugatgan. U 1993—2002-yillar oralig‘ida O‘zbekiston boks federatsiyasi vitse-prezidenti lavozimida ishlagan. 1998-yili AIBA Ijroqo‘mi a’zosi bo‘lgan. 1999-yili Osiyo Olimpiya Kengashi vitse-prezidenti, 2002-yili AIBA vitse-prezidenti, 2010-yili Osiyo boks konfederatsiyasi prezidenti lavozimida faoliyatini davom ettirgan. 2018-yilning 28-yanvaridan to shu kungacha AIBA prezidenti vazifasini bajaruvchi lavozimida ishlab kelayotgan edi.
Izoh (0)