AIBA: Prof ringda 15 tadan ko‘p jang o‘tkazmagan bokschilar Olimpiadada ishtirok etishi mumkin

Kecha, 2-noyabr kuni Rossiyaning Moskva shahrida Xalqaro havaskorlar boks assotsiatsiyasi — AIBA’ning 2018-yilgi kongressi boshlandi.

Kongress chog‘ida professional bokschilarning Olimpiada o‘yinlarida qatnashishi borasida ma’lumot berildi. Unga ko‘ra, prof ringda faoliyat olib borayotgan bokschilar Olimpiada saralash bahslari boshlangunga qadar 15 tadan ko‘p jang o‘tkazgan bo‘lishi mumkin emas. Ular mazkur talab bajarilsa, Olimpiadaning saralashidan o‘tib, bemalol unda qatnashishi mumkin.

Qayd etish joiz, Rio—2016 Olimpiadasining o‘zbekistonlik bir qator ishtirokchilari ayni damda prof ringda faoliyat olib bormoqda. Xususan, Fazliddin G‘oibnazarov shu kunga qadar prof ringda 6 ta Shahram G‘iyosov 5 ta, Murodjon Ahmadaliyev 4 ta, Bahodir Jalolov 3 ta, Elnur Abduraimov esa 2 ta jang o‘tkazishga ulgurdi.