O‘zbek alifbosiga qanday o‘zgarishlar kiritilishi ma’lum bo‘ldi

Lotin yozuviga asoslangan o‘zbek alifbosiga bir qator o‘zgarishlar kiritiladi, deb yozadi “Xalq so‘zi”.

Alisher Navoiy nomidagi Toshkent davlat O‘zbek tili va adabiyoti universiteti qoshida tuzilgan Ishchi guruhi, shuningdek turli mutaxassislar, jamoatchilik fikri inobatga olinib hozir lotin yozuvidagi to‘rtta harf o‘zgaradigan bo‘ldi. Bular:

• O‘ unli harfi qo‘shimcha belgilarsiz Ŏŏ ko‘rinishida, G‘ harfi Ğğ ko‘rinishida yoziladigan bo‘ldi. Harflar birikmasi orqali tuzilgan Ch va Sh harflari mos ravishda Çç va Şş harflariga almashtiriladi.
• Shuningdek, ng tovushi ham alifboda saqlanib qoladigan bo‘ldi.
• Kirill alifbosidagi Ц harfini C ko‘rinishida yangi alifboga kiritish, shuningdek J harfini ikkita ko‘rinishda berish kabi takliflar qabul qilinmadi. Natijada yangi alifboga Цц harfi kiritilmadi va Jj harfi bitta bo‘lib qoladigan bo‘ldi.