28-oktabr kuni Farg‘ona viloyati Rishton tumani Yoyilma qishlog‘i To‘lqin ko‘chasida yashovchi 2002-yilda tug‘ilgan fuqaro hamda ushbu xonadonga mehmonga kelgan Qo‘rg‘oncha qishlog‘ida yashovchi 1986-yil tug‘ilgan fuqaro is gazidan zaharlanib, vafot etgan, deb xabar beradi FVV matbuot xizmati.
Baxtsiz xodisa sabablari o‘rganilganda, xonadon egasi va mehmon tunab qolgan uyning isitish pechining dudburoni (mo‘risi) ichiga yoz paytida qushlar in qurgani sababli, dudburon xas-xashak va qushlarning pati bilan to‘lib qolgan va tortish kuchini yo‘qotganligi ma’lum bo‘ldi.
Tabiiy gazning chala yonishi oqibatida is gazi hosil bo‘lishi hamda uning uy ichiga to‘planishi fuqarolarning o‘limiga olib kelgan.
“Kirib kelgan kuz-qish mavsumida isitish pechlaridan foydalanishdan avval dudburonlarning tozaligi va to‘g‘ri o‘rnatilganligiga ishonch hosil qiling.
Is gazidan zaharlanishdan ogoh bo‘ling!”, — deyiladi xabarda.