Rossiyaning Sankt-Peterburg shahrida 27-oktabr oqshomida yuz bergan yo‘l-transport hodisasi oqibatida sakkiz kishi halok bo‘ldi. Bu haqda Meduza xabar bermoqda.
To‘qnashuv shaharning Kurortniy tumani G‘arbiy tezkor diametrida yuz bergan. Politsiya ma’lumotlariga ko‘ra, yuk avtomobili yo‘lda boshqa bir yuk avtomobiliga urilib, qarama-qarshi qatnov qismiga chiqib ketgan va mikroavtobus bilan to‘qnashgan.
To‘qnashuvdan so‘ng mikroavtobus yonib ketgan va uning ichida bo‘lgan sakkiz kishining bari halok bo‘lgan.
Xabar berishlaricha, politsiya ushbu holat yuzasidan odam o‘limiga sabab bo‘lgan yo‘l harakati qoidalari buzilishi moddasi bo‘yicha jinoyat ishi ochgan.
Izoh (0)