22-oktabr kuni Toshkentga xizmat safari doirasida Gonkongning Harneys va Perun Consultants kompaniyalari vakillari investitsiya va transchegaraviy loyihalar uchun ofshor va xalqaro korporativ tuzilmalarini amalda qo‘llash bo‘yicha seminar o‘tkazishdi.
Ofshor zonalar – iqtisodiy zonalarning o‘ziga xos ko‘rinishi bo‘lib, ular joylashgan hududda norezident kompaniyalar uchun soliqqa tortish, ro‘yhatga olish va litsenziyalashtirishning o‘ziga xos imtiyozli tartibiga amal qilinadi. Bugungi kunda ofshor kompaniyalar bu e’tiborli munosabat va diqqat bilan o‘rganishni talab etuvchi ishonchli, qiziqarli va samarali usuldir.
Seminarda ofshor tuzilmalarini qo‘llovchi dunyoning yirik korporatsiyalari misollari ko‘rib chiqildi, chet el pul mablag‘lari doirasida aktivlar va manfaatlarni himoya qilish masalalariga oydinlik kiritildi. Qolaversa ishtirokchilar ofshor tuzilmalar doirasida Xitoy va boshqa yurisdiksiyalar bilan ishlashda xalqaro investitsiyalar bilan bog‘liq so‘nggi tendensiyalarni muhokama qilishdi.
Xalqaro banking, soliqni rejalashtirish, kompaniyalarni chet elda ro‘yhatdan o‘tkazish sohasi ekspertlari aktivlarni himoya qilish sxemasida chet el kompaniyalari, klassik ofshorlarni qo‘llashdan maksimum foyda olish haqida ham so‘zlab berishdi. Bu kabi bilimlarga ega bo‘lganlar soni juda kam, ularni o‘zgalar bilan bo‘lishuvchilar soni esa undan ham kam (ayniqsa tekinga).
Seminarda ikki kuchli ekspert chiqish qildi: Ienn Mann – Harneys kompaniyasining Osiyo hududi boshqaruv hamkori va Gvinn Xopkins – Perun Consultants kompaniyasi boshqaruv direktori.
Harneys – dunyo bozorida 60 yildan ziyod tajribaga ega yetakchi xalqaro ofshor yuridik firmalardan biri bo‘lib, u Kayman orollari, Britaniya Virgin orollari, Kipr va Bermud orollari huquqi doirasida amalga oshirilgan bitimlarni kuzatishga ixtisoslashgan. Harneys huquqshunoslari MDX va Xitoyning ko‘plab yirik kompaniyalari manfaatlarini taqdim etishadi. Kompaniya ofshor yuridik firmalar orasida eng yirigi bo‘lib, u Yevropa, Osiyo, Shimoliy va Janubiy Amerika va Karib havzasi mamlakatlari moliyaviy markazlarida joylashgan 12 dan ziyod vakolatxonalarga ega, bu esa mijozlarga o‘z vaqtida ishonchli, qulay tilda va kerakli soat mintaqasi bo‘yicha xizmat ko‘rsatish jarayonini ta’minlaydi.
Ko‘rsatiladigan korporativ va fidutsiar xizmatlar haqida batafsil ma’lumotga ega bo‘lish uchun www.Harneys.com saytiga tashrif buyuring.
Perun Consultants sud buxgalteriyasi, korporativ maslahatlar, aktivlarni baholash, restrukturizatsiyalashtirish, kompaniyalarni moliyaviy sog‘lomlantirish va likvidatsiya qilish proseduralari kabi xizmatlarni ko‘rsatuvchi butik konsalting firmasidir.
Firma turli vaziyatlarda tomonlarga yordam berish maqsadida bo‘shash jarayonidagi sud muhokamasi, aksionerlar o‘rtasidagi bahs-munozaralar va shartnoma majburiyatlarining buzilishi bilan bog‘liq tortishuvlardan tortib kompaniyalarning sotib olish qiymati yoki uy-xo‘jaligi aktivlari orasida biznesni baholash qiymatini belgilash borasida ko‘rsatmalarni taqdim etadi. Kompaniya xizmatlari qatoriga sud yoki arbitraj muhokamasi jarayonida dalillarni taqdim etuvchi tayinlangan ekspert sifatida chiqish qilish ham o‘rin olgan.
Perun Consultants kompaniyasi va uning xizmatlari haqida batafsil ma’lumotga www.perunconsultants.com saytida ega bo‘lishingiz mumkin.
Aloqa
E-mail: akaraganova@perunconsultants.com – Perun Consultant mijozlar bilan ishlash direktori Aleksandra Karaganova.
Izoh (0)