Sentabrda UzCard to‘lov tizimida uch kun davom etgan nosozlik sababli O‘zbekiston davlat budjetiga 27 dan 30 milliard so‘mgacha miqdordagi mablag‘lar kelib tushmadi. Bu haqda iqtisodiyot vazirining birinchi o‘rinbosari Mubin Mirzayev jurnalistlar bilan uchrashuvda ma’lum qildi.
“Bir kunlik aylanma [UzCard to‘lov tizimi orqali to‘lovlar] taxminan 180 milliard so‘mni tashkil etadi. Agarda ushbu mablag‘ning 5 foizi byudjetga to‘lansa, bir kunda kelib tushmagan mablag‘ 9 milliard so‘mni tashkil etadi. Uch kun ichida esa budjetga 27-30 milliard so‘m kelib tushmadi. Bu oddiy arifmetika”, - dedi u.
Mubin Mirzayevning qo‘shimcha qilishicha, bu faqatgina to‘g‘ridan-to‘g‘ri ko‘rilgan zarar. “Odamlarning moddiy va ma’naviy zararlari bundan ham ko‘proq bo‘lishi mumkin. Buni hisoblash murakkabroq”.
Izoh (0)