Ichki ishlar vazirligi tizimida bir nechta rahbarlik tayinlovlari amalga oshirildi

O‘zbekiston Ichki ishlar vazirligining hududiy tizimlarida bir nechta rahbarlik tayinlovlari ma’lum qilindi.

Jumladan, Qoraqalpog‘iston respublikasi hududida podpolkovnik Muhammadali Hojamurodov Qonliko‘l tumani Ichki ishlar bo‘limi boshlig‘i lavozimiga, podpolkovnik Atabek Abdirov esa Beruniy tumani Ichki ishlar bo‘limi boshlig‘i lavozimiga tayinlandi. Buxoroda podpolkovnik Avaz Elbekov Shofirkon tumani Ichki ishlar bo‘limi boshlig‘i lavozimida faoliyat olib boradigan bo‘ldi.

Bundan tashqari Yakkabog‘ tumani Ichki ishlar bo‘limi boshlig‘i lavozimiga podpolkovnik Sherzod Shokirov, To‘raqo‘rg‘on tumani Ichki ishlar bo‘limi boshlig‘i lavozimiga mayor Mirshohid Sobirjonov va Yangiyo‘l tumani Ichki ishlar bo‘limi boshlig‘i lavozimiga podpolkovnik Ibrohim Xasanovlar tayinlandi.