Zambiya hukumati 2000 ta begemotni ular yashayotgan hududning kichikligi uchun qirib tashlashga qaror qildi, deb xabar beradi Reuters.
Mamlakat turizm vaziri Charlz Banduning ta’kidlashicha, begemotlarni qirib tashlash haqidagi qaror Luangva daryosidagi suv sathi pasayib ketgani uchun qabul qilingan. Uning darajasi begemotlarning ko‘payishi uchun yetarli emas, biroq begemotlarni boshqa joyga ko‘chirib o‘tkazish davlatga qimmatga tushadi.
“Janubiy Luangva milliy bog‘ida 13 mingdan ortiq begemotlar mavjud. Biroq ushbu hudud faqatgina besh mingta begemotga mo‘ljallangan xolos”, — deydi turizm vaziri.
Zambiya hukumati bunday qarorni birinchi marta qabul qilayotgani yo‘q: Begemotlarni otib tashlash rejasi 2016-yilda ham e’lon qilingan.
O‘shanda Born Free jonivorlarni himoya qilish tashkiloti begemotlarni qiirshni kechiktirishga erishgan edi. Tashkilot vakillarining so‘zlariga ko‘ra, mansabdor shaxslar begemotlarning ko‘payishi ekotizimga zarar yetkazayotganini isbotlovchi birorta ham asos keltira olmagan.
Izoh (0)