O‘zbekiston Xotin-qizlar qo‘mitasi tashabbusi bilan bugun, 23-oktabr tongida Toshkentdagi “Milliy” stadioniga 100 dan ortiq ayollar tonggi badantarbiya mashg‘ulotlari uchun jam bo‘ldi. Bu haqda qo‘mita matbuot xizmati xabar berdi.
Haftaning har seshanba kuni O‘zbekistonda xotin-qizlarning sport bilan shug‘ullanadigan kuni sifatida belgilandi. Har seshanba kuni Toshkentdagi “Milliy” stadioni ayollarning sport bilan shug‘ullanishi uchun ochiq bo‘ladi. Tadbir O‘zbekiston velosiped sporti federatsiyasi hamda “Milliy” stadioni bilan hamkorlikda tashkil etildi.
Qo‘mita “Sog‘lom ayol – sog‘lom jamiyat” shiori ostida o‘tkaziladigan shunday sog‘lomlashtirish mashg‘ulotlarida barcha ayollar faol bo‘lishga chaqirdi.
Huddi shunday sport tadbirlari O‘zbekistonning boshqa hududlarida ham tashkil etilishi va doimiy yo‘lga qo‘yilishi borasida amaliy harakatlar boshlangan.
Izoh (0)