Endilikda O‘zbekistonda giyohvand moddalarga analog bo‘lgan dori vositalarining noqonuniy savdosi bilan shug‘ullangan shahslar jinoiy va ma’muriy javobgarlikka tortiladi. Bu haqda “Podrobno.uz” xabar berdi.
Bu Prezident Shavkat Mirziyoyevning “O‘zbekiston Respublikasining ayrim qonun hujjatlariga jamoatchilik xavfsizligini ta’minlashga qaratilgan o‘zgartirish va qo‘shimchalar kiritish to‘g‘risida”gi qonunida ko‘zda tutilgan.
Qonunda Jinoyat va Ma’muriy kodekslariga “giyohvand moddalar analogi”ning noqonuniy savdosi uchun javobgarlik tushunchasi kiritilishi qayd etilgan. Shunday holatda “lirik”, “sonata” va “tramadol” kabi psixotrop dori vositalarini noqonuniy sotish bilan shug‘ullangan shaxslar ham endilikda giyohvand moddalar sotuvchisi sifatida baholanadi va tegishli jazoga tortiladi.
Izoh (0)