Apple kompaniyasining marketing bo‘yicha katta vitse-prezidenti Fil Shillerning aytishicha, iPhone’ning ba’zi modellaridagi harflar ma’lum ma’noga ega bo‘lsa ham, so‘nggi XS va XR modellariga bu holat taalluqli emas. Bu haqda “RIA Novosti” xabar berdi.
Bunda u gadjetlarning bunday nomlanishida sport avtomobillari bilan o‘xshashlikni ko‘rishini tan olgan.
Shiller 2009-yilda iPhone 3GS modelidagi S harfi “tezlik”ni (speed) anglatishini ma’lum qilgan.
Ikki yildan so‘ng Apple rahbari Tim Kuk iPhone 4S dagi S harfi aynan shu modelning dasturiy ta’minotiga kiritilgan Siri yordamchisini bildirishini aytgan.
Kompaniya 5C, 5S va 6S modellari uchun tushuntirish bermagan.
Izoh (0)