Saudiya Arabistoni hukumati The Washington Post jurnalisti Jamol Qoshiqchi mamlakatning Istanbuldagi konsulxonasida o‘ldirilganligini tan oldi hamda razvedka boshlig‘i o‘rinbosarini iste’foga jo‘natdi. Bu haqda Saudiya Arabistoni bosh prokurori ma’lum qildi, deb yozadi “Korrespondent.net”.
Qayd etilishicha, Qoshiqchi va konsulxona xodimlari o‘rtasida kelishmovchilik kelib chiqqan, ushbu holat esa jurnalistning o‘limi bilan yakunlangan.
Jurnalistning g‘oyib bo‘lishi ortidan 18 nafar Saudiya Arabistoni fuqarosi qo‘lga olingan, shuningdek umumiy razvedka xizmati boshlig‘i o‘rinbosari Axmed Asiri lavozimidan ozod etilib, qirollik maslahatchisi unvonidan mahrum etilgan.
Jurnalistning o‘limi holati o‘rganilmoqda, dastlabki ma’lumotlargina e’lon qilingan.
Saudiya Arabistoni hukumati aybdorlarni javobgarlikka tortishga va’da bergan.
Ma’lumot uchun, The Washington Post jurnalisti Jamol Qoshiqchi 2-oktabr kuni Saudiya Arabistonining Istanbuldagi konsulxonasiga kirib ketganicha qaytib chiqmagan.
Izoh (0)