O‘zbekiston tashqi ishlar vaziri Abdulaziz Komilov Instagram’dagi sahifasiga “Afg‘oniston ozodligi Islom ittifoqi” fraksiyasi rahbari Ustod Abdul Rasul Sayyaf bilan tushgan suratini joylashtirdi.
“Afg‘oniston: tinchlik sari mashaqqatli yo‘l. 1980-yillarda “Afg‘oniston ozodligi Islom ittifoqi” fraksiyasi rahbari Ustod Abdul Rasul Sayyaf bilan. Imom al-Buxoriy ma’naviy merosining taniqli bilimdoni. Pagman, Afg‘oniston, 2018-yil”, — deya izohlanadi surat.
Shuningdek, Komilov 1995-yilda Afg‘onistonning Kobul shahrida “Panjsher sheri” Ahmad Shoh Masud bilan tushgan surati bilan ham bo‘lishdi.
“Afg‘oniston: tinchlik sari mashaqqatli yo‘l. ‘Panjsher sheri’ Ahmad Shoh Masud bilan. U 1999-yil “6+2” Toshkent xalqaro konferensiyasida ‘Shimoliy Alyans’ delegatsiyasiga boshchilik qilgan. Kobul, 1995-yil. Shaxsiy arxivdan”, — deb yozadi Komilov.
Shuningdek, tashqi ishlar vaziri o‘z sahifasiga yana bir tarixiy suratni joylashtirdi va uni quyidagicha izohladi:
“Afg‘oniston: tinchlik sari mashaqqatli yo‘l. Afg‘oniston Qiroli Muhammad Zohir Shohning 30 yillik quvg‘indan keyin vataniga qaytishi – millatning jipslashishiga umid. Toshkent, aprelning erta tongi. 2002-yil. Shaxsiy arxivdan”
https://www.instagram.com/p/Bo53Z9ilAvE/?taken-by=a.h.kamilov
Izoh (0)