Iteca Exhibitions xalqaro ko‘rgazmalar kompaniyasi “Securika Central Asia 2018” xalqaro ko‘rgazmasini taqdim etishga tayyorgarlik ko‘rmoqda. Bu haqda kompaniya matbuot xizmati “Daryo”ga xabar bermoqda.
Xavfsizlik masalalariga bag‘ishlangan O‘zbekistondagi yagona professional ko‘rgazma hisoblanuvchi mazkur forum shu yil 14—16-noyabr kunlari Toshkent shahrida o‘tkaziladi.
Unda jamoat xavfsizligini ta’minlash tizimlarini takomillashtirish, ishlab chiqaruvchi va foydalanuvchilar, xavfsizlik sohasining potensial distribyutor va professionallari hamkorligini mustahkamlash masalalari diqqat markazida bo‘ladi.
Ko‘rgazmada Belarus, Koreya Respublikasi, Rossiya, Turkiya, Qozog‘iston, O‘zbekiston va boshqa davlatlardan o‘nlab kompaniyalar o‘z mahsulotlari bilan ishtirok etadi.
Xalqaro ko‘rgazmada ishtirok etish va yoki tashrif buyurish istagida bo‘lganlar http://bit.ly/on-reg havolasi orqali onlayn ro‘yxatdan o‘tishi mumkin.
Izoh (0)