O‘zbekistonlik raqqoslar WDSF raqs chempionatida ikkinchi o‘rinni egalladi

13—14-oktabr kunlari Ispaniyaning Bilbao shahrida o‘smirlar o‘rtasida raqs sporti bo‘yicha jahon chempionati o‘tkazildi, deb xabar beradi Afisha.

Lotin Amerika raqslari bilan chiqish qilgan toshkentlik raqqoslar Andrey Kuznetsov va Mina Lilar turnirning ikkinchi o‘riniga munosib ko‘rildi.

Ular 2010-yildan beri aniqrog‘i raqsga kelgan paytlaridan boshlab juftlikda raqsga tushadi.

Andrey va Mina ko‘plab xalqaro tanlovlarda ishtirok etgan. Xususan, Grand prix Dynamo 2016/17, Honk Kong open 2017, King’s cup Thailand 2017, “Vivat Rossii” 2018, Grand prix Dynamo 2018 kabi tanlovlarda ular birinchilikni qo‘lga kiritgan.

Shuningdek, ular O‘zbekistonning 8 karra chempionlari va 7 karra kubok sohiblari hisoblanadi.