Jakartada qahramonlik ko‘rsatgan Paraosiyo o‘yinlarining o‘zbekistonlik g‘oliblari Toshkentda tantanali kutib olindi (fotogalereya)

Kecha, 15-oktabr kuni soat 20:20 da Islom Karimov nomidagi Toshkent xalqaro aeroportida Indoneziyaning Jakarta shahrida bo‘lib o‘tgan Paraosiyo o‘yinlarida muvaffaqiyatli ishtirok etgan o‘zbekistonlik sportchilar tantanali kutib olindi. “Xalq so‘zi” kutib olish jarayonidan fotosuratlarni taqdim etdi.

Qayd etish joiz, Jakartadagi musobaqalarda o‘zbekistonlik sportchilar tomonidan umumiy hisobda 77 ta medal qo‘lga kiritildi. Ularning 35 tasi oltin, 24 tasi kumush va 18 ta bronza medallaridir.

To‘rt yil oldin Incheonda bo‘lib o‘tgan Paraosiyo o‘yinlarida o‘zbekistonlik sportchilar 22 ta oltin, 5 ta kumush va 4 ta bronza, umumiy hisobda esa 31 ta medal qo‘lga kiritgandilar. Bu safar esa Paraosiyo o‘yinlaridagi rekordlar mutlaq yangilandi va O‘zbekiston uchun eng yaxshisi bo‘lib tarixga kirdi.