Samarqandda 16—18-oktabr kunlari “Orol dengizi havzasida mustahkam boshqaruv va ijtimoiy barqarorlikka erishish uchun innovatsion yondashuvlar” mavzusida xalqaro forum o‘tkaziladi, deya xabar berdi vazirlik matbuot xizmati.
Unda Ozarbayjon, Yaponiya, Qozog‘iston, Qirg‘iziston, Tojikiston, Turkmaniston, BAA va O‘zbekiston vakillari ishtirok etadi.
Orol dengizi muammosidan aziyat chekkan davlatlardan biri O‘zbekiston ekanligi bois mamlakatning Innovatsion rivojlanish vazirligi, Sho‘rxok tuproqli hududlardagi qishloq xo‘jaligi xalqaro markazi (ICBA), Samarqand davlat universiteti tomonidan Orol dengizi havzasida mustahkam boshqaruv va ijtimoiy barqarorlikka erishish uchun innovatsion yondashuvlarni muhokama qilish maqsadida xalqaro forum tashkil etiladi.
Forum ishtirokchilari hududda yashovchi aholining oziq-ovqat xavfsizligini ta’minlash, suv resurslarini muhofaza qilish, aholi daromadini oshirish maqsadida innovatsion g‘oyalar, ilmiy izlanishlar, yangi texnologiyalar va siyosiy choralarni tatbiq etish bo‘yicha fikr almashadilar, tajribalari bilan o‘rtoqlashadilar. Ular, shuningdek, suv resurslarini kompleks boshqarish va ma’lumotlar almashish, suv va tuproqni sho‘rsizlantirish va tozalash bo‘yicha tavsiyalar ishlab chiqadilar.
Izoh (0)